شوف معانى كلام الدكاتره لما تكون عنده بيقولك ايه وهوه يقصد ايه
لما يقولك الموضوع ده ما ينسكتش عليه لازم نلحق نعالجه فورا فيه فورا
يبقى يقصدلازم نلحق نعمل عليك شغل لان لو انتظرنا يخف لوحده
لما يقولك ايه تاريخك المرض
يبقى بيقصد يبقى يقصد عاوز اعرف اسماء الدكاتره اللى بتتعامل عشان يعرف انت بتدفع كويس ولا كحوت
لما يقولك استعمل العلاج ده وعدى عليا بعد بكره
يبقى يقصد ده علاج لا ينفع ولا يضر عدى بعد يومين
اكون سالت حد بيفهم
لما يقولك أشوفك بعد 10 ايام
يبقى يقصد عشان تدفع كشف جديد انت مش شفت اليافطه
مكتوب الاستشاره خلال اسبوع
لما يقولك انا عندى خبر وحش وخبر كويس مرضك خطير بس ممكن نلحقه
يبقى يقصد الخبر الحلو انى هجيب سيارة جديده والخبر الوحش انك هتدفع تمنها
لما يقولك احنا هنتابع تطورات الحاله اسبوع كمان
يبقى يقصد يمكن البلوى دى تتحول لحاجه نعرف لها علاج
لما يقولك انت محتاج تعمل شويه تحاليل
يبقى يقصد من الاخر انا مش عارف عندك ايه يمكن بتاع المعمل يعرف ويقولى
لما يقولك اعمل التحاليل فى المعمل ده؟؟؟؟؟؟؟؟ انا بطمن لنتايجهم
يبقى يقصد ده؟؟؟؟؟؟؟؟ اصلهم بيدفعولى 40% من تمن التحليل
لما يقولك انا هحاولك على اخصائى يتابع حالتك افضل
يبقى يقصد انت صحتك زى الفل بس الراجل ده مزنوق فى قريش والواجب ننفعه
طبعا االطب نعمه كبيره والدكاتره زى الفل
موضوع: خلى بالك وانت عند الدكتور 
الخميس أكتوبر 12, 2006 12:56 pm
